Cebu – Timbog sa joint drug-bust operation ng PNP ang lalaking target makaraang mabilhan at makumpiskahan ng hinihinalang shabu na tumitimbang ng nasa 200 gramo at nagkakahalaga ng Php1,360,000 sa Brgy. San Roque, Talisay City, Cebu noong Enero 6, 2023.
Kinilala ni Police Lieutenant Colonel Antonio Ananayo Jr, Acting Chief, PIU/PDEU CPPO, ang suspek na si “Junior”, 44, ng Sitio Salvador, Barangay Tangke, Talisay City, na naitala bilang Regional High Value Individual.
Sa pinagsanib na puwersa ng mga tauhan ng Provincial intelligence Unit, Provincial Drug Enforcement Unit, at Talisay City Police Station ng Cebu Police Provincial Office, matagumpay na nailatag ang operasyon dakong alas-11:30 ng gabi noong Sabado.
Maliban sa droga, narekober din mula sa suspek ang isang shoulder bag na ginamit bilang lagayan ng droga at ang 500-peso bill na ginamit bilang buy-bust money.
Sa walang humpay na suporta ng komunidad, higit pa ang pagpapaigting ng buong hanay ng kapulisan ng rehiyon sa ilalim ng liderato ni PBGen Anthony A Aberin, PRO 7 Regional Director, tungo sa pagkamit ng matagumpay na kampanya kontra ilegal na droga.
