Valenzuela City – Arestado ang isang lalaki matapos isagawa ang oplan manhunt charlie ng mga tauhan ng Valenzuela City Police Station nito lamang Biyernes, Nobyembre 3, 2023.
Kinilala ni Police Colonel Salvador Destura Jr, Chief of Police ng Valenzuela CPS, ang suspek na si alyas “King Brianne”, 28, binata, negosyante, at residente ng Barangay Bignay, Valenzuela City.
Pinuri ni PBGen Rizalito Gapas, District Director ng Northern Police District (NPD), ang Valenzuela City Police Station (VCPS) dahil sa pagkakahuli sa suspek na may kasong Attempted Homicide at paglabag sa RA 10591 (Comprehensive Law on Firearms and Ammunition Regulation Act) kaugnay ng COMELEC Resolution No. 10918.
Ayon kay PBGen Gapas, nakatanggap ng tawag ang mga tauhan ng Bignay Police Sub-station hinggil sa insidente na nagresulta sa pagkakaaresto sa suspek at pagrekober ng mga piraso ng ebidensya bandang 5:40 ng hapon, sa kahabaan ng Gorgonio Street, Barangay Punturin, Valenzuela City.
Nakumpiska sa suspek ang isang (1) Cal. 45 M1911 A2 Rock Ultra FS Pistol na may siyam (9) na live ammunition; isang (1) firearms registration ID; at isang (1) License to Own and Possess Firearms (LTOPF).
Kasong Attempted Homicide at paglabag sa RA 10591 (Comprehensive Law on Firearms and Ammunition Regulation Act) kaugnay ng COMELEC Resolution No. 10918 ang kahaharapin ng suspek.
Hinikayat naman ng Northern Police District ang mga mamamayan na patuloy na makipagtulungan sa mga otoridad upang mahuli at mapanagot ang mga taong nagkakasala sa batas.
Source: NPD PIO
Panulat ni PSSg Remelin M Gargantos
