Camarines Norte – Arestado ang isang lalaki na kabilang sa listahan ng Street Level Individual on Illegal Drugs sa isinagawang buy-bust operation ng pinagsamang operatiba ng Camarines Norte PNP sa Purok 4, Barangay Matnog, Basud, Camarines Norte nito lamang Mayo 21, 2023.
Kinilala ni Police Colonel Antonio Bilon Jr., Provincial Director ng Camarines Norte PPO, ang suspek na si alyas “Joms”, 30, binata, mekaniko at residente ng Purok-4, Barangay San Felipe, Basud, Camarines Norte.
Ayon kay PCol Bilon Jr., isinagawa ang operasyon bandang 10:50 ng gabi ng pinagsanib na mga operatiba ng Basud MPS at Camarines Norte Provincial Intelligence Unit (CNPIU) sa pakikipag-ugnayan sa PDEA- Camarines Norte Provincial Office.
Nakumpiska mula sa suspek ang limang piraso ng heat-sealed transparent plastic sachets ng pinaniniwalaang shabu na tumitimbang ng tatlong gramo na may street value na Php20,400.
Kasong paglabag sa R.A. 9165 o ang Comprehensive Dangerous Drugs Act of 2002 ang kakaharapin ng suspek.
Ang matagumpay na operasyon ay bunga ng walang tigil at mas pinaigting na kampanya ng Camarines Norte PNP kontra ilegal na droga upang mapanatili ang kaayusan at gawing drug free ang lungsod mula sa ipinagbabawal na gamot.
Source: Camarines Norte PPO
