Butuan City – Arestado ng Butuan PNP sa isinagawang Hot Pursuit Operation ang isang lalaking snatcher sa South Montilla Blvd., Brgy. Dagohoy, Butuan City nito lamang Lunes, Nobyembre 21, 2022.
Kinilala ni Police Colonel Marco Archinue, City Director ng Butuan City Police Office, ang suspek na si alyas “Ryan”, 23, residente ng Purok-9, Brgy. Obrero, Butuan City.
Ayon kay PCol Archinue, bandang 12:20 nang hating gabi nang mangyari ang insidente kung saan nagpanggap na bibili ng balut ang suspek nang biglang hablutin nito ang belt bag ng biktimang si Jose Besabella at nagtungo sa isang abandonadong gusali (Mavel’s Lodge Building).
Sa isinagawang operasyon ng Butuan City Police Station-1, bandang 3:00 ng madaling-araw nang maaresto ang suspek sa abandonadong gusali at narekober ang belt bag ng biktima na naglalaman ng Php20,800 na cash, isang Oppo F5 na cellphone, Pinoy Coop ATM-card, OR/CR at dalawang Identification Card.
Nahaharap ang suspek sa kasong robbery o paglabag sa Revised Penal Code Article 293.
Patuloy naman ang pagpupursigi ng Butuan PNP na maprotektahan sa anumang krimen ang mamamayan ng naturang syudad ay tinitiyak na mananagot ang mga lalabag sa batas.
Panulat ni Patrolman Jhunel Cadapan/RPCADU13
