Caloocan City – Arestado ang isang lalaki matapos manghold-up sa isang indibidwal na sakay ng isang motorsiklo ng mga tauhan ng Caloocan City Police Station nito lamang hapon ng Huwebes, Marso 16, 2023.
Kinilala ni PBGen Ponce Rogelio Peñones Jr, District Director ng Northern Police District, ang suspek sa pangalang Romey, 38, at residente ng Block 5 Lot 7 Mangga St. SM Homes Brgy. Deparo, Caloocan City.
Ayon kay PBGen Peñones Jr, habang nakasakay ang biktima sa kanyang puting Honda Click na motorsiklo, hinarang siya ng suspek sa kanyang dinaraanan at biglang bumaba sa kanyang motorsiklo (puting Honda Click i125) na walang plate number at tinutukan ng baril ang biktima at nagdeklarang “Hold-up”.
Ibinigay ng biktima ang kanyang bag na naglalaman ng cash na nagkakahalaga ng Php3,000 at pitaka na naglalaman din ny Php2,024 kasama ang tatlong account record book.
Pagkatapos mapasakamay ang mga ito ng supsek, sya ay tumakas na agad namang nirespondehan at hinabol ng mga pulis.
Matapos ang maikling habulan, nakorner ang suspek at naaresto dakong 5:00 ng hapon sa kahabaan ng Bahay Bukid, Brgy. 178, Caloocan City.
Samantala, narekober sa suspek ang isang .38 revolver, tatlong basyo ng bala, Honda Click 125i Motorsiklo kulay perlas puti, LS2 helmet na kulay puti at pula cash na nagkakahalaga ng Php5,024 sa iba’t ibang denominasyon, purse na naglalaman ng tatlong record book, Driver’s License ni Vivian Joy Ortiz Gallardo; at Motorcycle Plate number 921QSB na nabawi sa loob ng compartment.
Mahaharap ang suspek sa kasong paglabag sa Art. 294 ng RPC (Robbery with Violence against or Intimidation of Person) at RA 10591 (Comprehensive Firearms and Ammunition Regulations Act).
Patuloy naman sa pagtupad ng tungkulin ang kapulisan ng Northern Metro sa pagpapatrolya sa mga lansangan upang agarang mahuli at panagutin sa batas ang mga nagkasala.
Source: NPD PIO
Panulat ni PSSg Remelin M Gargantos
