Pateros – Arestado ang isang matandang lalaki na nanggulo na may hawak ng baril at patalim sa kamay ng mga tauhan ng Pateros Police Station nito lamang Biyernes, Abril 21, 2023.
Kinilala ni Police Colonel Wilson Alicuman, Acting Chief of Police ng Pateros, ang suspek sa pangalang Anthony, 53 taong gulang.
Ayon kay PCol Alicuman, bandang alas-9:00 ng gabi ay nakatanggap ng ulat ang istasyon na may nangyayaring kaguluhan sa isang apartment na matatagpuan sa Buenaventura Compound, Barangay Sto. Rosario-Kanluran.
Gumawa umano ng gulo ang suspek habang armado ng nasabing mga armas at nagbanta pa na sasaktan ang sarili kaya agad namang dinakip ang nasabing suspek.
Nakumpiska sa suspek ang isang kalibre .38 revolver na kargado ng tatlong live ammunition at tatlong bladed na armas.
Mahaharap ang suspek sa reklamong paglabag sa RA 10591, Batas Pambansa Blg. 6 at Alarm Scandal.
Patuloy na magiging alerto ang PNP sa anumang uri ng kriminalidad upang masugpo ang mga ito at maiwasang makapanakit ng mga inosenteng tao ang mga nagbabalak gumawa ng krimen nang sa gayo’y makamtan ang isang ligtas na pamayanan.
Source: SPD PIO
Panulat ni PSSg Remelin M Gargantos
