Cagayan De Oro City – Arestado ang isang lalaki na nanaksak ng isang menor de edad sa hot pursuit operation ng Cagayan De Oro PNP nito lamang Huwebes, Mayo 19, 2022.
Kinilala ni Police Captain Ernesto Sanchez, Officer-in-Charge ng Cagayan de Oro City Police Office-Station 3, ang suspek na si Filjohn Polinar Feguracion, 22, residente ng Zone 1 San Lazaro, Lapasan, Cagayan De Oro City.
Ayon kay PCpt Sanchez, nadakip ang suspek bandang 8:00 ng gabi sa loob ng isang barong-barong sa Zone 4, San Lazaro, Lapasan, Cagayan De Oro City ng mga operatiba ng Cagayan de Oro City Police Office-Station 3.
Ang naarestong suspek ay positibong kinilala ng mga biktima.
Ang Cagayan de Oro PNP ay patuloy sa pag-aresto sa mga may pananagutan sa batas upang mabigyang hustisya ang mga naging biktima at mapangalagaan ang komunidad.
###
Panulat ni Joshua Fajardo / RPCADU 10
