Kalaboso sa Talisay City PNP ang lalaking nahulihan ng baril sa isinagawang search warrant operation sa Sitio Hollowblock, Barangay Lagtang, Talisay City, Cebu, noong ika-9 ng Hulyo 2024.
Kinilala ni Police Lieutenant Colonel Epream G Paguyod, Officer-In-Charge ng Talisay City Police Station, Cebu Police Provincial Office, ang suspek na si “Rey”, 39 anyos at residente ng nabanggit na lugar.
Bandang 10:00 ng gabi ng maaresto ang suspek matapos mahulihan ng isang unit ng caliber 45 pistol, isang magasin ng cal. 45 at tatlong live ammunition ng cal .45 sa bisa ng search warrant.
Samantala, kasalukuyang nasa kustodiya ng Talisay City Custodial Facility ang suspek at mahaharap sa kasong paglabag sa Republic Act 10591 o “Comprehensive Firearms and Ammunition Regulation Act”.
Patuloy ang dedikasyon ng Talisay City PNP sa paglaban sa anumang uri ng kriminalidad dahil sa Bagong Pilipinas, ang gusto ng Pulis, ligtas ka!.
Source: Talisay CPS SR
Panulat ni Pat Grace Coligado
