Sa kulungan ang bagsak ng lalaking nahulihan ng baril habang nagpapatrol ang kapulisan ng Talisay City sa Sitio Mananga 2, Barangay Tabunok, City of Talisay, Cebu, noong ika-15 ng Oktubre 2024.
Kinilala ni Police Lieutenant Colonel Epream G Paguyod, Chief of Police ng Talisay City Police Station, Cebu Police Provincial Office, ang suspek na si “Joshua”, 24 anyos at residente ng Sitio Mananga 2, Barangay Tabunok, City of Talisay, Cebu.
Bandang 12:20 ng madaling araw ng magsagawa ng pagpapatrol ang mga awtoridad na nagresulta sa pagkahuli ng suspek na may dalang isang caliber ng .357 revolver at tatlong bala.
Ang Talisay City PNP ay walang tigil sa pagsasagawa at pagpapaigting ng kampanya laban sa anumang uri ng kriminalidad upang masiguro ang kaayusan sa kanilang nasasakupan dahil sa Bagong Pilipinas, ang gusto ng pulis, ligtas ka!.
Source: Talisay CPS SR
