Lemery, Batangas – Arestado ang isang lalaki matapos tangkain na suhulan ang isa sa mga tauhan ng Lemery PNP nito lamang Linggo, Mayo 8, 2022.
Kinilala ni Police Colonel Glicerio Cansilao, Provincial Director ng Batangas Police Provincial Office, ang suspek na si Christopher Alvarez y Santos, 33, residente ng 110 Barangay Poblacion 1, Sta. Teresita, Batangas.
Ayon kay PCol Cansilao, naaresto si Alvarez ng tangkain na suhulan si Police Lieutenant Roy Aguinalde, na nakatalaga sa Lemery Municipal Police Station matapos sitahin at hanapan ng lisensya dahil sa pagbangga sa sasakyan na nakaparada.
Ayon pa kay PCol Cansilao, tinatayang Php4,650 ang inabot kay PLt Aguinalde bilang suhol o areglo.
Nahaharap ang suspek sa kasong Corruption of Public Official.
Patunay lamang na napakarami pa ring miyembro ng PNP ang tapat sa kanilang uniporme at tungkulin.
###
Panulat ni Police Executive Master Sergeant Joe Peter Cabugon
