General Santos City – Arestado ng General Santos City – Police Station 5 ang isang lalaki sa Purok Acharon, Barangay Tambler, General Santos City nitong ika-16 ng Hulyo 2023.
Kinilala ni Police Major Ian Bagot, Station Commander ng GenSan-PS5, ang suspek na si alyas “Mohammad”, 38, residente kung saan ito hinuli. Habang ang biktima naman ay kinilalang si “Ebrahim”, 40, residente rin ng nasabing lugar.
Ayon kay PMaj Bagot, inaresto ang suspek matapos nitong bantaan ang biktima gamit ang kanyang baril na Cal. 45 pistol na may kasamang magazine at dalawang live ammunition.
Wala namang maipakitang legal na dokumento ang lalaki sa pulisya, kaya siya ay inaresto at sinampahan ng kasong paglabag sa RA 10591 (Comprehensive Firearms and Ammunition Regulation Act) at Grave Threat.
Dagdag naman ni PMaj Bagot, na mas papaigtingin pa nila ang kanilang kampanya sa lahat ng uri ng kriminalidad at hiling din sa publiko na maging mas mapagmatiyag at agad na iulat sa mga alagad ng batas ang anumang kriminalidad na nangyayari sa kani-kanilang lokalidad.
Panulat ni Patrolman Khnerwin Jay A Medelin
