Pasay City – Agarang nirespondehan ng PNP Aviation Security Group Medical Team ang aksidente sa motor sa Crash Gate 1, West Service Road, C5 Extension, Pasay City nito lamang unang araw ng taon 2023.
Ang naturang pagresponde ay pinangunahan ni Police Captain Hyacinth P Clavano, Chief Nurse sa ilalim ng pamumuno ni Police Brigadier General Anthony A Aberin, Director.
Maingat na nilapatan ng paunang lunas ang lalaking nagtamo ng leg injury at kalaunan ay agad naman itong dinala sa Perpetual Help Medical Center para sa Medical Evaluation and Management.
Patuloy ang pagpapatupad ng full alert status ng Pambansang Pulisya upang masiguro ang agarang aksyon sa anumang tawag ng tungkulin lalo’t kabi-kabila ang selebrasyon ngayong holiday season.
