Calamba City, Laguna – Sinaklolohan ng mga kapulisan ng National Training Center ang isang lalaking naaksidente sa motor dala ng kalasingan sa may Parian National Road, Calamba City, Laguna nito lamang Disyembre 24, 2022.
Kinilala ang mga sumaklolong pulis na sina Police Executive Master Sergeant Maricris R Delim at Police Senior Master Sergeant Billy Joel Mariano sa pamumuno ni Police Colonel Raymund Gary R Mayuga, Hepe ng NTC.
Pauwi na ang grupo mula sa pamimili ng mga gagamitin sa Noche Buena nang pumukaw sa kanilang atensyon ang insidente.
Agad naman inayos ang daloy ng trapiko upang maging maaliwalas ang pinangyarihan ng insidente at makapagbigay agad ng first-aid ang dumating na rescuer.
Ang PNP ay walang pinipiling oras sa pagtulong at paglilingkod sa publiko anumang pagkakataon at nagpapakita na maaasahan sa lahat ng panahon.
Source: National Training Center
Panulat ni Police Staff Sergeant Donabel T Dulin
