Cadiz City – Arestado ang lalaking Most Wanted Person na may kasong rape sa ikinasang operasyon ng Cadiz City PNP nito lamang Miyerkules, Abril 6, 2022.
Kinilala ni Police Lieutenant Colonel Gil John Despi, Officer-in-Charge ng Cadiz City Police Station, ang suspek na si Jopit Claro y Gallego, 51, residente ng Kampo Santiago, Barangay Sewahon 1 sa lungsod ng Cadiz, Negros Occidental.
Ayon kay PLtCol Despi, si Claro ay nahuli sa kanyang tinitirhan sa Barangay Sewahon 1, Cadiz City ng mga operatiba ng Cadiz City Police Station sa kanilang pinaigting na kampanya laban sa mga Most Wanted Persons.
Ayon pa kay PLtCol Despi, ang naturang akusado ay matagal nang nagtatago sa batas nang hainan siya ng Warrant of Arrest mula kay Judge Renato D Muñez ng Regional Trial Court 6 sa kasong rape nang halayin niya ang kanyang stepdaughtertaong 2001.
Ang Pambansang Pulisya ng Pilipinas ay buong pusong patuloy na ipapatupad ang batas upang makamit ng mga biktima ang hustisya na kanilang minimithi.
###
