Naghatid ng bagong wheelchair ang mga tauhan ng Regional Mobile Force Battalion sa isang lalaking may polio sa Biazon Road, Poblacion, Muntinlupa City nito lamang Huwebes, Hulyo 4, 2024.
Ang pagdodonate ng wheelchair ay pinangunahan ng 1st Mobile Force Company sa pangunguna ni Police Captain Fernan A Gancayco, Company Commander sa ilalim ng pamumuno ni Police Colonel Celso M Rodriguez, Force Commander, RMFB.
Ang naging benepisyaryo nito ay si Ginoong Jobie F. Villanueva, 46 anyos na residente ng nasabing lugar na matapang na nakikipaglaban sa polio mula pagkabata.
Naisagawa din ito dahil sa suporta ng Chinese Filipino Business Club Inc., sa pangunguna ni President Samuel Lee Uy.
Ang gawaing ito ay sumasalamin sa patuloy na pangako ng RMFB sa pagpapabuti ng buhay ng mga indibidwal sa kanilang komunidad at naglalayong iangat ang buhay ng mga kapus-palad at pagyamanin ang diwa ng pagkakaisa at pagmamahalan.
Source: RMFB NCRPO
PSSg Remelin M Gargantos
