Cotabato – Timbog ang isang lalaki na may patong-patong na kaso sa isinagawang manhunt charlie operation ng Magpet PNP sa Sitio Buhay-Buhay, Brgy. Basak, Magpet, Cotabato nito lamang ika-29 ng Abril 2023.
Kinilala ni Police Major Rolando Dillera Jr., Hepe ng Magpet Municipal Police Station, ang suspek na si alyas “Ome Gomay”, 45, may asawa, magsasaka at residente ng nasabing barangay.
Naaresto ang suspek sa isinagawang operasyon ng pinagsanib na puwersa ng mga tauhan ng Magpet MPS , Regional Intelligence Division-12 Tracker Team Echo, Cotabato Provincial Police Office-Provincial Intelligence Unit, 1st Cotabato Provincial Mobile Force Company, 1203rd Manuever Company, RMFB12 at sa tulong ng Barangay Information/Intelligence Network (BIN) sa bisa ng Warrant of Arrest sa kasong 2 Counts of Frustrated Murder at 5 Counts of Attempted Murder na walang inirekomendang piyansa.
Ang Pambansang Pulisya ay hindi titigil sa kampanya laban sa pagsugpo sa kriminalidad, droga at terorismo para sa kaligtasan ng mamamayan at bansa.
Panulat ni Patrolman Khnerwin Jay A Medelin/RPCADU12
