Camarines Norte – Arestado ang isang lalaking may kasong Rape sa isinagawang Manhunt Charlie Operation ng Mercedes PNP sa Purok 6, Barangay Del Rosario, Mercedes, Camarines Norte nito lamang Huwebes, Enero 12, 2023.
Kinilala ni Police Major Romeo Benito Apolinar Hugo, Chief of Police ng Mercedes Municipal Police Station, ang suspek na si alyas “Fred”, 37, walang asawa at residente ng Purok 6, Barangay Camambugan, Daet, Camarines Norte.
Ayon kay PMaj Hugo, naaresto ang akusado sa bisa ng Warrant of Arrest ng Mercedes MPS para sa kasong Rape na may kaugnayan sa Article 266-A ng Revised Penal Code at walang rekomendadong piyansa.
Naganap umano ang panghahalay noong nakaraang Setyembre taong 2022 sa bahay mismo ng 24-anyos na dalaga sa bayan ng Labo, Camarines Norte.
Ang Pambansang Pulisya ay hindi tumitigil sa paghuli sa mga taong may pananagutan sa batas upang maibigay ang hustisya sa mga naging biktima nito.
