Arestado ang isang lalaking may kasong Multiple Lascivious Conduct sa isinagawang joint manhunt operation ng Provincial Intelligence Team Batangas at Regional Intelligence Unit 4A, katuwang ang Sta. Teresita MPS bandang alas-6:30 ng gabi nito lamang Enero 21, 2025, sa Purok 4, Barangay Sampaguita, Naujan, Oriental Mindoro.
Kinilala ni Police Colonel Jacinto R Malinao Jr, Acting Provincial Director ng Batangas Police Provincial Office, ang suspek na si alyas “Edwin”, 54-anyos, magsasaka, isang katutubong Barangay Sampa, Sta. Teresita, Batangas at residente ng Purok 4, Barangay Sampaguita, Naujan, Oriental Mindoro.
Sa Bisa ng Warrant of Arrest, nadakip ang suspek na may 3 counts ng Lascivious Conduct na bawat isa ay may piyansa na Php80,000.
Kasunod ng kanyang pag-aresto, ipinaalam sa suspek ang kanyang karapatamg pantao at sumailalim sa medical/physical examination sa Batangas Provincial Hospital sa Lemery, Batangas.
Ang walang patid na dedikasyon at propesyonalismo na ipinakita ng PNP ay walang humpay na paghahangad ng hustisya na nagresulta sa pagkahuli ng suspek. Patuloy ang masigasig na pagsisikap sa paghuli sa mga nagbabanta sa kapayapaan at seguridad para sa isang Bagong Pilipinas.
Source: Batangas PPO-PIO
Panulat ni Pat Maria Sarah P Bernales
