Misamis Oriental – Napasakamay ng mga operatiba ng Balingasag Municipal Police Station ang isang lalaki matapos itong maaresto sa kasong panlilinlang nito lamang ika-2 ng Pebrero 2024 sa Brgy. Mandangoa, Balingasag, Misamis Oriental.
Kinilala ni Police Colonel Cholijun Caduyac, Provincial Director ng Misamis Oriental Police Provincial Office, ang suspek na si alias “Melvin”, 35, may asawa at residente ng nabanggit na lugar.
Agaran naman ang pagtugon ng Balingasag PNP na pinamumunuan ni Police Major Arnold Gaabucayan, nang nakatanggap sila ng impormasyon na ang naturang suspek ay pagala-gala lang sa naturang lugar at ikinasa ang operasyon na nagresulta sa pagkakadakip ng suspek.
Kasong Estafa ang kakaharapin ng suspek habang pinuri naman ni PCol Caduyac ang Balingasag PNP sa agarang aksyon at nagpapasalamat sa komunidad sa walang sawang kooperasyon sa ating kapulisan na siyang diwa ng programang “Pulis Misamisnon, KaUban Mo” upang puksain ang kriminalidad sa probinsya ng Misamis Oriental.
Panulat ni Patrolman Nicole Villanueva
