Camarines Norte – Boluntaryong sumuko ang isang lalaki sa Basud PNP na may kasong Arson sa Purok Yakal, Barangay Poblacion 2, Basud, Camarines Norte nito lamang Miyerkules, Enero 18, 2023.
Kinilala ni Police Major Eva Guiruela, Chief of Police ng Basud Municipal Police Station, ang sumuko na si alyas “Mar”, 24, binata, isang construction worker at residente ng Purok 4, Barangay Caayunan, Basud, Camarines Norte.
Ayon kay PMaj Guiruela, sumuko si alyas “Mar” kay PCMS Sherwin Victor V Laviste para sa kasong Arson na walang rekomendadong piyansa.
Ang Pambansang Pulisya ay patuloy sa pagtanggap sa mga taong may kasalanan sa batas na gustong sumuko upang mapagbayaran nila at mabigyan ng hustisya ang kanilang mga naging biktima.
Source: Camarines Norte PPO
