San Pablo, Isabela – Tinulungan ng San Pablo PNP ang isang lalaking may kapansanan sa Barangay Binguang, San Pablo, Isabela noong Abril 22, 2022.
Kinilala ni Police Captain Alvin Rodolfo Tiu, Officer-in-Charge ng San Pablo Police Station ang lalaking may kapansanan na si Antonio Callapag, 49, dahil sa pamamalagi nito sa daan para mamalimos sa mga sasakyang dumadaan upang matustusan ang pang araw-araw nilang gastusin sa bahay.
Si Callapag ay nakatanggap ng food packs at face mask.
Pinuri naman ni PCol Julio Go, Acting Provincial Director, Isabela Police Provincial Office ang San Pablo PNP dahil sa ipinakitang pagmamalasakit sa kapwa lalo na sa mga may kapansanan at hikahos sa buhay.
Ang PNP ay patuloy sa paghahatid ng mabuting serbisyo at pagpapakita ng malasakit sa kapwa lalo na sa mga apektado ng pandemya.
Source: Isabela PPO
###
Panulat ni Police Corporal Carla Mae P Canapi
