North Cotabato – Arestado ang isang lalaki sa pagdadala ng ilegal na baril matapos mahuli sa ikinasang Checkpoint ng mga tauhan ng Regional Mobile Force Battalion 14 sa Brgy. Fort Pikit, Pikit, Cotabato nito lamang ika-26 ng Mayo 2023.
Kinilala ni Police Lieutenant Colonel John Miridel Calinga, Hepe ng Pikit Municipal Police Station, ang suspek na si alyas “Asraf”, 26, residente Brgy. Bagoinged, Pikit, Cotabato.
Naaresto ang suspek matapos dumaan at masita sa isinagawang checkpoint dahil sa nakasukbit na baril.
Nabigo naman ang suspek na magpakita ng kaukulang dokumento sa dala nitong baril na caliber .38 pistol na may serial number na 274916 na kargado ng limang bala, kaya’t agad itong inaresto.
Ang suspek ay nahaharap sa kasong paglabag sa Republic Act 10591 o Comprehensive Firearms and Ammunition Regulation Act.
Nagbabala naman ang Police Regional Office 12 na pinamumunuan ni Regional Director, Police Brigadier General Jimili Macaraeg, na huwag magdala ng baril o anumang armas na hindi otorisado at walang kaukulang dokumento dahil ito ay labag sa batas at may katapat na kaparusahan.
Panulat ni Patrolman Khnerwin Jay A Medelin/RPCADU12
