Camarines Norte – Arestado ang isang lalaki na kabilang sa listahan ng Recalibrated Database on Illegal Drugs ng Camarines Norte sa isinagawang buy-bust operation ng Camarines Norte PNP sa Purok 2, Barangay Sta. Rosa Sur, Jose Panganiban, Camarines Norte nito lamang Enero 18, 2023.
Kinilala ni Police Major Ace Flores, Chief of Police ng Jose Panganiban Municipal Police Station, ang naarestong suspek na si alyas “Janggo”, 28 taong gulang, may asawa at residente ng nabanggit na lugar.
Ayon kay PMaj Flores, bandang 10:30 ng umaga ng maaresto ang suspek ng pinagsanib na mga operatiba ng Jose Panganiban MPS, Camarines Norte Provincial Mobile Force Company, sa pakikipag-ugnayan sa PDEA RO5.
Nakumpiska mula sa suspek ang anim na piraso ng selyadong plastik na pakete ng hinihinalang shabu na may tinatayang timbang na isang gramo at street value na Php6,800.
Nahaharap ang suspek sa kasong paglabag sa RA 9165 o ang Comprehensive Dangerous Drugs Act of 2002.
Ang PNP Bikol ay patuloy sa pagpapaigting ng mga operasyon kontra ilegal na droga para sa kaligtasan ng mamamayan tungo sa mapayapa at maunlad na komunidad.
Source: Camarines Norte PPO
