Camarines Norte – Arestado ang isang lalaking kabilang sa Drug Related Data Integration and Generation System (DRDIGS) sa isinagawang buy-bust operation ng Camarines Norte PNP sa Purok 3 Barangay V, Daet, Camarines Norte nito lamang Enero 12, 2023.
Kinilala ni PLtCol Arnel D De Jesus, Chief of Police ng Daet Municipal Police Station, ang naarestong suspek na si alyas “Roy”, 56, may asawa at residente ng nabanggit na lugar.
Ayon kay PLtCol De Jesus, ang suspek ay nahuli ng mga tauhan ng Daet MPS at Camarines Norte Provincial Intelligence Unit sa pakikipag-ugnayan sa PDEA RO5.
Nakuha mula sa suspek ang anim na plastic sachet ng hinihinalang shabu na may tinatayang timbang na isang gramo na may katumbas na halagang Php3,500.
Mahaharap ang suspek sa kasong paglabag sa RA 9165 o ang Comprehensive Dangerous Drugs Act of 2002.
Ang PNP Bikol ay patuloy na maglulunsad ng mga operasyon upang matigil na ang paglaganap ng ilegal na droga sa buong rehiyon at matigil ang posibleng krimen na epekto ng paggamit ng ipinagbabawal na gamot.
Source: Camarines Norte Police Provincial Office – Pulis Bantayog
