Arestado ang lalaking bumaril at tumaga ng kanyang sariling asawa ng dahil umano sa selos sa hot pursuit operation ng kapulisan ng Toledo City sa Sitio Lower Bagdok, Barangay Sagay, Toledo City, noong ika-19 ng Pebrero 2025.
Kinilala ni Police Lieutenant Colonel Wilfredo I Alarcon, Chief of Police ng Toledo City Police Station, Cebu Police Provincial Office, ang suspek na si “Rodrigo”, 70-anyos, residente ng nabanggit na lugar.
Bandang 7:00 ng gabi ng pinagbabaril ng suspek ang asawang biktima na si “Marcelina”, 65-anyos. Nagtamo ng sugat ang biktima sa bandang tiyan nito at napahandusay na ito sa sahig ngunit hindi pa nakontento ang suspek at walang kaabog-abog na pinagtataga ang biktima sa iba’t ibang parte ng katawan nito.
Batay sa ulat ng pulisya, selos umano ang naging motibo ng suspek at pinagbibintangan umano ng lalaki ang asawa na may ibang lalaki ito.
Samantala, nasa kustodiya na ng Toledo CPS ang suspek at mahaharap ito sa kasong Frustrated Parricide kaugnay sa Republic Act 9262 at paglabag sa Comelec Gun Ban. Habang ang biktima ay kasalukuyang nagpapagaling sa Vicente Sotto Memorial Medical Center.
Patunay lamang na ang kapulisan ng Toledo City ay patuloy sa pagpapatupad ng kanilang sinumpaang tungkulin kontra kriminalidad at hulihin ang mga nagkasala sa batas upang magkaroon ng maunlad na bansa tungo sa isang Bagong Pilipinas.
Source: Toledo CPS SR
