Taguig City — Timbog ang isang lalaki matapos mahulihan ng Php95,200 halaga ng shabu sa isinagawang buy-bust operation ng Taguig City Police Station nito lamang Lunes, Mayo 15, 2023.
Kinilala ni Police Major General Edgar Alan Okubo, Regional Director ng NCRPO, ang suspek sa pangalang Gerry, 48 taong gulang, residente ng Sta. Ana, Pateros.
Ayon kay PMGen Okubo, naganap ang operasyon bandang 11:30 ng gabi, sa kahabaan ng Maestrang Pinang, Brgy. Ligid Tipas, Taguig City ng mga operatiba ng Station Drug Enforcement Unit ng Taguig CPS na nagresulta sa pagkakadakip sa suspek.
Narekober mula sa suspek ang pitong heat-sealed transparent plastic sachet na naglalaman ng hinihinalang shabu na humigit kumulang 14 gramo ang bigat at nagkakahalaga ng Php95,200, dalawang Php100 na ginamit bilang buy-bust money, kasama ang Php2,000 na boodle money.
Nakuha rin ng mga arresting officer sa kanya ang isang black coin purse at isang PWD Identification Card na inisyu ng LGU Pateros.
Kasong paglabag sa Section 5 at 11 Art II ng RA 9165 o Comprehensive Dangerous Drugs Act of 2002.
Pinuri naman ni RD, NCRPO ang Taguig City Police Station Drug Enforcement Unit sa kanilang dedikasyon at pagsusumikap na nagresulta sa matagumpay na pagkakaaresto sa suspek. Ang SPD ay nagpapaalala rin sa publiko na huwag masangkot sa mga ilegal na aktibidad at samahan ang pulisya na itaguyod ang batas at panatilihin ang kapayapaan at kaayusan sa komunidad.
Source: SPD PIO
Panulat ni PSSg Remelin M Gargantos
