South Cotabato – Arestado ang isang lalaki matapos maaktuhang nagbebenta ng mga di lisensyadong baril sa Purok Roxas, Brgy. Lopez Jaena, Norala, South Cotabato nito lamang ika-23 ng Nobyembre 2023.
Kinilala ni Police Brigadier General Jimili Macaraeg, Regional Director ng Police Regional Office 12, ang suspek na si alyas Henry, 58-anyos, may asawa at residente ng nasabing lugar.
Dinakip ang naturang suspek sa isinagawang entrapment operation ng mga pinagsanib na pwersa ng Norala Municipal Police Station at CIDG 12 South Cotabato Provincial Field Unit.
Nasamsam mula sa suspek ang isang Php1,000 bill; dalawang yunit ng cal. 38 revolver; walong yunit ng shotgun; tatlong yunit ng air gun; isang ingram, isang cal.22 revolver; tatlong yunit ng single shot pistol; isang cal.45 pistol; mga magazine at mga bala.
Ang suspek ay nahaharap sa kasong paglabag sa RA 10591 o Comprehensive Firearms and Ammunition Regulation Act.
Ang matagumpay na pagkakaaresto ng suspek ay bunga ng mahusay at mas pinaigting na kampanya laban sa kriminalidad ng PRO 12 upang matiyak ang kaayusan at kapayapaan ng kanilang nasasakupan.
Panulat ni Patrolman Khnerwin Jay A Medelin
