Guimba, Nueva Ecija – Sugatan ang isang lalaki pagkatapos arestuhin ng Guimba PNP sa kasong Frustrated Murder nito lamang Martes, Mayo 31, 2022.
Kinilala ni Police Lieutenant Colonel Jectopher D Haloc, Acting Chief of Police ng Guimba Municipal Police Station ang suspek na si Eugenio Villegas y Caranto, 48, residente ng Barangay San Marcelino, Guimba, Nueva Ecija.
Ayon kay PLtCol Haloc, aarestuhin sana ng mga tauhan ng Guimba MPS ang suspek sa nabanggit na barangay nang biglang putukan niya ang mga ito kaya nagpalitan na ng putok ang magkabilang panig na ikinatama ng binti ng suspek.
Ayon pa kay PLtCol Haloc, agad namang dinala ang suspek sa Guimba District Hospital upang magamot ang kanyang sugat.
Dagdag pa ni PLtCol Haloc, narekober sa pinangyarihan ng krimen ang isang revolver loaded ng anim na bala, at tatlong cartridge case ng caliber 9mm na siyang ginamit ng suspek sa paglaban sa mga otoridad.
Ang suspek ay nahaharap sa kasong Frustrated Murder na may nirekomendang piyansa na nagkakahalaga ng Php200,000.
Samantala, nananawagan naman ang PNP na mas makabubuti kung sumuko ng matiwasay ang mga suspek para maiwasan ang insidente tulad nito.
###
Panulat ni PCpl Jeselle V Rivera
