Kalaboso ang isang lalaki matapos makumpiskahan ng mga ilegal na armas sa Brgy. Del Carmen, President Roxas, Cotabato, dakong 2:25 ng madaling araw nito lamang Linggo, Enero 7, 2024.
Kinilala ni Police Major Jun Jinete Napat, Hepe ng President Quirino Municipal Police Station, ang suspek na si alyas “Jerry”, 48-anyos, at residente ng Brgy. Sagcungan, President Roxas, Cotabato.
Ayon kay PMaj Napat, dahil sa bisa ng search warrant ay nilusob ng kanilang hanay katuwang ang 1203rd Maneuver Company ng RMFB12 ang tinutuluyan na bahay kubo ng suspek na nagresulta sa pagkakarekober ng isang yunit ng Cal. 38 revolver, isang yunit ng granada at mga bala.
Mahaharap ang suspek sa kasong paglabag sa R.A.10591 o ang Comprehensive Firearms and Ammunition Regulation Act.
Tiniyak naman ni PMaj Napat na patuloy ang buong hanay ng President Quirino PNP sa kampanya laban sa lahat ng uri ng kriminalidad at ilegal na droga upang mapanatili ang kaayusan at kapayapaan sa kanilang nasasakupan.
Panulat ni Patrolman Khnerwin Jay A Medelin
