Cagayan de Oro City – Lalaking inaresto ng rumespondeng pulis, nang-agaw ng baril dahilan ng aksidenteng pumutok at tinamaan ang kanang kamay ng pulis at likod ng isang babae sa Airport, Brgy. Lumbia, Cagayan de Oro City nito lamang 1220 ng madaling araw ng Hulyo 4, 2022.
Kinilala ni Police Major Aldren Baculio, Station Commander ng Cagayan de Oro City Police Office-Station 8, ang suspek na si Alfredo Sabanal, 45 at residente ng Airport, Lumbia, Cagayan de Oro City.
Ayon kay PMaj Baculio, nakatanggap ng tawag ang mga tauhan ng COCPO- Station 8, na may concerned citizens na humihingi ng tulong sa nagaganap na pagmamalupit ng lasing na suspek na si Sabanal sa kanyang asawa.
Agad namang rumisponde sa insidente. Nilapitan at pinosasan ang suspek ng biglang nang-agaw ng baril sa pulis.
Dagdag pa nito, habang nagkokomosyon ay aksidenteng pumutok ang baril dahilan para tamaan sa kanang kamay ng Pulis at likod ng isang babae na agad naman dinala sa pinakamalapit na pagamutan.
Samantala, nahaharap ang suspek sa kasong paglabag sa RA 9262 o Anti-Violence Against Women and their Children Act of 2004 at Frustrated Murder.
Ang Pambansang Pulisya ang alerto upang sugpuin ang lahat ng uri ng kriminalidad at terorismo.
###
Patrolman Joshua Fajardo RPCADU 10
