Valenzuela City — Umabot sa Php156,400 halaga ng shabu ang nakumpiska sa isang lalaki sa isinagawang buy-bust operation ng mga tauhan ng Valenzuela City Police Station nito lamang Sabado, Mayo 20, 2023.
Kinilala ni PBGen Ponce Rogelio Peñones Jr., District Director ng Northern Police District (NPD), ang suspek na si Richard Bugani, 40, driver, at kasalukuyang residente ng Interior Doon St. Maysan, Valenzuela City.
Ayon kay PBGen Peñones Jr, naaresto ang suspek ng Station Drug Enforcement Unit ng Valenzuela CPS, bandang 5:50 ng madaling araw sa kahabaan ng Interior Doon St. Maysan, Valenzuela City.
Narekober sa suspek ang isang small at medium heat-sealed transparent plastic sachet na naglalaman ng hinihinalang shabu, at isang tunay na Php500 na may kasamang dalawang Php1,000 boodle money na ginamit bilang buy-bust money.
Paglabag sa Seksyon 5 at 11 sa ilalim ng Artikulo II ng RA 9165 o Comprehensive Dangerous Drugs Act of 2002 ang isinampa laban sa naarestong suspek.
Pinuri naman ni PMGen Edgar Alan Okubo, Regional Director ng NCRPO ang Valenzuela City Police Station dahil sa dedikasyon nila sa kanilang sinumpaang tungkulin.
Source: NPD PIO
Panulat ni PSSg Remelin M Gargantos
