Sulu – Boluntaryong isinuko ng isang lalaki ang kanyang baril sa Indanan PNP sa Indanan, Sulu nito lamang ika-8 ng Agosto 2022.
Ayon kay PMaj Edwin Sapa, Chief of Police, Indanan Municipal Police Station, boluntaryong isinuko ng isang lalaki ang isang yunit ng Caliber 38 revolver pistol kay Aldamer Uding Hamsail, Barangay Chairman ng Brgy. Manggis, Indanan, Sulu.
Itinurn-over naman ng Barangay Chairman ang nasabing baril sa himpilan ng Indanan MPS.
Ang pagsuko ng baril ay kaugnay sa pinaigting na kampanya kontra loose firearms sa pamamagitan ng Municipal Task Force to End Local Armed Conflict.
Pansamantalang nasa pangangalaga ng Indanan MPS ang nasabing baril bago dalhin sa Sulu Provincial Crime Laboratory Office para sa kaukulang disposisyon.
Samantala, hinihikayat ng PNP ang publiko na makipag-ugnayan lamang sa pinakamalapit na himpilan ng pulisya kung sinuman ang may baril na walang kaukulang dokumento at nais itong isuko.
###
Panulat ni Patrolman Mark Vincent Valencia
