Negros Occidental – Bistado ang isang lalaki matapos itong mahulihan ng mga tanim na marijuana sa Barangay Minoyan, Murcia, Negros Occidental, nito lamang ika-22 ng Marso 2023.
Kinilala ni Police Major Marc Joeil Reclamado, Hepe ng Murcia Municipal Police Station, ang suspek na si Khieno Rubaton, 34, flower vendor, isang street level individual at residente ng nabanggit na lugar.
Sa pinagsanib na pwersa ng mga operatiba ng Provincial Drug Enforcement Unit ng NOCCPO, Murcia Municipal Police Station at ng PDEA Regional Office 6 ay naaresto ang suspek at nabunot ang 7 fully grown at 7 newly grown na marijuana.
Narekober din ang isang sako na naglalaman ng pinaniniwalaang dried marijuana na may bigat na 125 gramo at may halagang Php15,000.
Ang suspek ay nahaharap sa kasong paglabag sa R.A 9165 o ang Comprehensive Dangerous Drugs Act of 2002.
Ang Negros Occidental PNP ay patuloy na papaigtingin ang pakikipag-ugnayan sa komunidad para mahuli ang mga nagtatanim ng ipinagbabawal na halaman sa kanilang nasasakupan.
