Abra – Nakumpiska mula sa isang lalaki ang isang baril ng mga tauhan ng Bangued Municipal Police Station sa Zone 7, Bangued, Abra nito lamang ika-30 ng Marso 2023.
Ayon sa ulat, habang nagsasagawa ng Oplan Bakal/Sita, nakita ng mga otoridad ang dalawang lalaking kahina-hinala na nakasakay sa isang Honda XRM 125 na motor na walang nakakabit na plaka.
Pinara ito ng mga otoridad nang akmang itataas ng drayber ng motorsiklo ang kanyang backpack ay aksidenteng tumambad ang nakasukbit na baril sa kanyang baywang kung saan wala maipakitang dokumento o permit to carry firearms outside residence.
Napag-alaman na nagmamay-ari ng baril ay isang 28 anyos na residente ng Malibcong, Abra at napag-alaman na isang cal. 45 COLT MK IV Series 80 pistol na may magazine at tatlong live ammunition.
Nanawagan naman ang otoridad sa lahat ng may-ari ng baril na maging responsable at sumunod sa patakaran at alituntunin upang maiwasan na magkaroon ng kaso.
