Zamboanga City – Arestado ang isang lalaki sa isinagawang Law Enforcement Operation ng Zamboanga City PNP sa Brgy. Sta. Barbara, Zamboanga City nito lamang Lunes, Nobyembre 28, 2022.
Kinilala ni Poloce Colonel Alexander Lorenzo, City Director ng Zamboanga City Police Office, ang naarestong suspek na si alyas “Roman”, 37, may asawa at residente ng Sunset View, Upper Cabatangan, Zamboanga City.
Ayon kay PCol Lorenzo, bandang 12:28 ng tanghali nang naaresto ang suspek ng mga operatiba ng Zamboanga City Police Station 1 at 1st Zamboanga City Mobile Force Company sa bisa ng Warrant of Arrest sa kasong paglabag sa Ecological Solid Waste Management.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Ronald Tumonong/RPCADU 9
