Balingoan, Misamis Oriental – Arestado ang isang lalaki sa kasong Rape sa ikinasang One-Time-Big-Time Operation ng mga awtoridad sa Sitio Kanangkaan, Brgy. Mapua, Balingoan, Misamis Oriental nito lamang Miyerkules, Disyembre 7, 2022.
Kinilala ni Police Captain Arnold Formento, Company Commander ng 1001st Maneuver Company, Regional Mobile Force Battalion 10, ang suspek na si alyas “Cardo”, 49, may asawa at residente ng Brgy. Paitan, Quezon, Bukidnon.
Ayon kay PCpt Formento, naaresto ang suspek dakong 12:50 ng tanghali sa naturang lugar ng mga operatiba ng 1001st MC, RMFB 10 at Balingoan Municipal Police Station sa bisa ng Warrant of Arrest sa kasong Rape na walang rekomendadong piyansa.
Ang pagkakadakip sa suspek ay malaking tulong upang makamit ng Hilagang Mindanao ang layunin na maging maayos at payapa ang nasasakupang komunidad para sa hinahangad na kaunlaran.
Panulat ni Patrolman Joshua Fajardo/RPCADU 10
