Valencia City -Timbog sa isinagawang operasyon ng Valencia PNP ang isang lalaki sa kasong Rape nito lamang Linggo, Hunyo 5, 2022.
Kinilala ni Police Colonel Jun Mark Lagare, Provincial Director ng Bukidnon Police Provincial Office, ang suspek na si Ethan Dave Biña, 25 at residente ng Purok 5, Maanas, Medina, Misamis Oriental.
Ayon kay PCol Lagare, dakong 9:30 ng gabi nahuli ang suspek sa P-4, Brgy. Poblacion, Valencia City, Bukidnon ng mga operatiba ng Valencia City Police Station sa bisa ng Warrant of Arrest sa kasong Rape na walang inirekomendang piyansa.
Hangad ng Bukidnon PNP na mabigyan ng katarungan ang mga biktima ng iba`t ibang uri ng kriminalidad at upang maging maayos at ligtas ang komunidad.
###
Panulat ni Patrolman Joshua Fajardo / RPCADU 10
