Cotabato – Arestado ang isang lalaki sa ikinasang manhunt operation ng Tulunan PNP sa Purok 6, Brgy. Sibsib, Tulunan, Cotabato nito lamang Linggo, Abril 09, 2023.
Ayon kay Police Major Junrel Amotan, Chief of Police ng Tulunan Municipal Police Station, kinilala ang suspek na si alyas “Wally”, 34 at residente ng Purok 6, Brgy. Sibsib, Tulunan, Cotabato.
Isinagawa ang operasyon bandang 8:00 ng umaga ng mga operatiba ng Tulunan Municipal Police Station na nag-resulta sa pagkadakip sa nasabing suspek sa bisa ng Warrant of Arrest para sa kasong Attempted Rape na may inirekomendang piyansa na Php120,000.
Muling nanawagan ang Police Regional Office 12 sa mga iba pang mga wanted persons na sumuko ng maayos at harapin ang kanilang pananagutan batas.
Panulat ni Patrolman Gio Batungbacal/RPCADU12
