Davao Oriental – Arestado ang isang lalaki sa patuloy na isinasagawang Manhunt Charlie Operation sa Brgy Libudon, Mati City, Davao Oriental nito lamang Abril 01, 2023.
Kinilala ni Police Liuetenant Colonel Ernesto Gregore, Chief of Police ng Mati City Police Station, ang suspek na si alyas “Gerry”, residente ng nasabing lugar.
Ayon kay PLtCol Gregore, naaresto ang suspek sa bisa ng Warrant of Arrest sa kasong Rape na inihain ng pinagsamang tauhan ng Mati City Police Station at 1103rd Maneuver Company ng Regional Mobile Force Battalion 11.
Pinuri naman ni Police Brigadier General Alden Delvo, Regional Director ng Police Regional Office 11 ang nasabing operasyon at nagsabing ipagpatuloy ang magandang gawain upang makamit ang kapayapaan tungo sa kaunlaran ng bansa.
Panulat ni Patrolman Alfred Vergara/RPCADU11
