Zamboanga del Sur – Arestado ang isang lalaki sa isinagawang Oplan Pagtugis ng Criminal Investigation and Detection Group at Dinas PNP sa Purok Uno, Brgy. Legarda 2, Dinas, Zamboanga del Sur nito lamang Martes, Agosto 23, 2022.
Kinilala ni Police Colonel John Francis Encinareal, Regional Chief ng Criminal Investigation and Detection Group 9, ang suspek na si Haber Acosta y Domingo, 58, may asawa at residente ng Purok Uno, Brgy. Legarda 2, Dinas, Zamboanga del Sur.
Ayon kay PCol Encinareal, bandang 7:00 ng umaga nang naaresto ang suspek ng pinagsanib na puwersa ng mga operatiba ng Criminal Investigation and Detection Group-Zamboanga del Sur Provincial Field Unit at Dinas Municipal Police Station sa bisa ng Warrant of Arrest sa kasong paglabag sa RA 9262 o Violence Against Women and their Children Act of 2004.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
###
Panulat ni Patrolman John Ronald Tumonong/RPCADU 9
