Arestado ang isang lalaki sa paglabag sa RA 9995 o Anti-Photo and Video Voyeurism Act of 2009 sa isinagawang operasyon ng Rosario PNP sa Brgy. Ambitacay, Agoo, La Union nito lamang Linggo, ika-16 ng Oktubre 2022.
Kinilala ni Police Major Lester C Tannagan, Officer-In-Charge ng Rosario Police Station, ang suspek na si Harris Nathanael Cristobal y Soriano, 22, residente ng Brgy. Bangar, Rosario, La Union.
Ayon kay PMaj Tannagan, naaresto ang suspek bandang 1:00 ng hapon ng mga operatiba na pinangunahan ng Rosario Police Station, La Union Provincial Intelligence Unit, Agoo Police Station at Regional Intelligence Division Police Regional Office 1.
Dagdag pa ni PMaj Tannagan, naaresto ang suspek sa bisa ng Warrant of Arrest na inihain sa kanya sa kasong paglabag sa Republic Act 9995 o Anti-Photo and Video Voyeurism Act of 2009 at may kaukulang piyansa na Php70,000.
Samantala, nagpaalala naman ang PNP na ang pagkuha ng litrato o video ng sinumang indibidwal ng walang pahintulot ay labag sa batas.
Source: Rosario Police Station
Panulat ni Patrolman Joshua A Jimenez
