Misamis Oriental – Arestado ang lalaki sa kasong paglabag sa RA 9262 sa ikinasang operasyon ng 1001st Maneuver Company ng Regional Mobile Force Battalion 10 at Magsaysay Municipal Police Station sa Brgy. Tinaan, Magsaysay, Misamis Oriental nito lamang Abril 24, 2023.
Kinilala ni Police Captain Larsam Radjilul, Company Commander ng 1001st Maneuver Company, Regional Mobile Force Battalion 10, ang suspek na si alyas “Rowell”, 38 at residente ng nasabing lugar.
Bandang 9:40 ng umaga naaresto ang suspek sa bisa ng Warrant of Arrest sa kasong paglabag sa RA 9262 o Anti-Violence Against Women and their Children Act of 2004.
Tinitiyak ng Police Regional Office 10 na patuloy sa mandato laban sa anumang uri ng kriminalidad sa buong nasasakupan para panatilihing maayos at payapa ang buong komunidad.
Panulat ni Patrolman Joshua Fajardo/RPCADU10
