Zamboanga City – Arestado ang isang lalaki sa isinagawang joint operation ng Criminal Investigation and Detection Unit 9 at Zamboanga PNP nito lamang Agosto 14, 2022.
Kinilala ni Police Colonel John Francis Encinareal, Regional Chief ng Criminal Investigation and Detection Unit 9, ang suspek na si Ariel Villamin y Fuego, walang asawa, at residente ng Purok Uno, Brgy. Liwanag, Sergio Osmeña Sr., Zamboanga del Norte.
Ayon kay PCol Encinareal, bandang 8:15 ng umaga nang naaresto ang suspek sa Purok Uno, Brgy. Liwanag, Sergio Osmeña Sr., Zamboanga del Norte ng mga operatiba ng Criminal Investigation and Detection Unit 9, Osmeña Municipal Police Station, 1st Provincial Mobile Force Company-Zamboanga del Norte.
Ayon pa kay PCol Encinareal, naaresto ang suspek sa bisa ng Warrant of Arrest sa kasong paglabag sa RA 9262 o Anti-Violence Against Women and their Children Act of 2004 na may inirekomendang piyansa na Php108,000.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
###
Panulat ni Patrolman John Ronald Tumonong/RPCADU 9
