Zamboanga City – Arestado ang isang lalaki sa isinagawang Manhunt Charlie Operation ng mga awtoridad nito lamang Lunes, Enero 16, 2023.
Kinilala ni Police Colonel Alexander Lorenzo, City Director ng Zamboanga City Police Office, ang naarestong suspek na si alyas “Teo”, 35, may asawa at residente ng Lopez Subdivision, Brgy. Tugbungan, Zamboanga City.
Ayon kay PCol Lorenzo, bandang 8:06 ng gabi nang maaresto ang suspek sa Brgy. Tetuan, Zamboanga City ng mga operatiba ng Zamboanga City Police Station 6, Regional Mobile Force Battalion 9, Criminal Investigation and Detection Group Zamboanga City Field Unit, Regional Intelligence Division, at 1st Zamboanga City Mobile Force Company sa bisa ng Warrant of Arrest sa kasong paglabag sa RA 9262 o “Violence Against Women and their Children Act of 2004” na may inirekomendang piyansa na Php108,000.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Roneald Tumonong/RPCADU 9
