Carmen, Cagayan De Oro City – Arestado ang isang lalaki sa kasong paglabag sa RA 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act sa Zone 6, Zayas, Carmen, Cagayan De Oro City nito lamang Hulyo 2, 2022.
Kinilala ni Police Captain Ernesto Miranda Sanchez, Officer-in-Charge ng Cagayan de Oro Police Office – Station 3, ang naarestong suspek na si Andy Fortun Agosto aka Long Long , 35, residente ng Zone 6, Zayas, Carmen, Cagayan De Oro City.
Ayon kay PCpt Sanchez, nadakip ang suspek bandang 6:35 ng gabi sa naturang lugar ng mga operatiba ng Police Station 3 katuwang ang mga tauhan ng City Intelligence Unit at PDEA 10.
Ayon pa kay PCpt Sanchez, narekober mula sa suspek ang 10 heat-sealed transparent plastic sachets na nagkakahalaga ng Php34,000, isang unit ng cellphone at isang 38 caliber revolver na may serial no. 1871917.
Patunay na ang hanay ng PNP ay hindi titigil upang hulihin ang mga taong lumalabag sa batas at hinihikayat ng PNP ang komunidad na makipag tulungan at agad na isumbong sa mga awtoridad kung sakaling may makitang kahina-hinalang gawain sa kanilang lugar.
###
Panulat ni Patrolman Jomhel Tan/RPCADU 10
