Zamboanga City – Arestado ang isang lalaki sa kasong paglabag sa RA 7610 sa isinagawang joint operation ng Zamboanga City PNP nito lamang Lunes, June 13, 2022.
Kinilala ni Police Major Jamar Tagayan , Acting Station Commander, Zamboanga City Police Station 1, ang naaresto na si Gamal Daris, 24, at residente ng Zone 3, Brgy. Cawit, Zamboanga City.
Ayon kay PMaj Tagayan, nadakip ang suspek bandang 3:07 ng madaling araw sa naturang lugar ng mga operatiba ng Zamboanga City Police Station 1, Regional Mobile Force Battalion 9, Special Weapons and Tactics Team 3-1st Zamboanga City Mobile Force Company at TSC.
Ayon pa kay PMaj Tagayansa, naaresto ang suspek sa bisa ng Warrant of Arrest sa kasong paglabag sa RA 7610 o Special Protection of Children against Abuse, Exploitation and Discrimination.
Ang pagkakaaresto sa suspek ay isang patunay na ang hanay ng PNP ay hindi titigil upang gampanan ng buong puso ang kanilang sinumpaang tungkulin na hulihin ang mga taong may pananagutan sa batas.
###
Panulat ni Police Staff Sergeant Grace Neville Ortiz
