Calbiga, Samar – Arestado ng PNP-CIDG 8 ang isang lalaki sa kasong paglabag sa RA 10591 sa Brgy. 7 Poblacion, Calbiga, Samar noong Martes, Hunyo 7, 2022.
Kinilala ni Police Colonel Zacarias Villegas, Regional Chief ng CIDG Regional Field Unit 8, ang naaresto na si Pablo Cabriga Bascal, 65, may asawa, magsasaka at residente ng Brgy. 7 Poblacion, Calbiga, Samar.
Ayon kay Police Colonel Villegas, ang naarestong suspek ay isa ring Sub- Leader ng “PACANAN Group” (Newly identified CG/DI Unlisted) na sangkot sa Robbery Hold-up, Snatching, Swindling, Estafa at iba pang mapanlinlang na gawain sa Munisipyo ng Sta. Rita, Basey, Pinabacdao, Calbiga, Paranas, Motiong, at Catbalogan City, Samar.
Ayon pa kay PCol Villegas, bandang alas 8:30 ng umaga naaresto ang suspek sa bisa ng Search Warrant ng pinagsanib pwersa ng Criminal Investigation and Detection Group-Western Samar Provincial Field Unit, Calbiga Municipal Police Station, Provincial Intelligence Unit – Samar PPO at WS PHPT.
Dagdag pa ni PCol Villegas, narekober sa possession at control ni Bascal ang isang unit ng Cal. 38 revolver (Smith at Wesson) deface make; isang unit ng Cal. 38 revolver (Chamber loaded) na walang serial number (deface Make); limang piraso na live ammunition para sa Cal. 38; isang live na bala para sa Cal. 357; labing-isang piraso na live ammunition para sa Cal. 22 at apat na live ammunition para sa hindi pa kilalang Caliber.
Mahaharap ang suspek sa kasong RA 10591 o Comprehensive Firearms and Ammunition Regulation Act.
Alinsunod sa programa ng PNP laban sa loose firearms, pipigilan ng CIDG ang paglaganap ng mga ilegal na baril sa rehiyon 8.
Hinihikayat din ng CIDG 8 ang publiko na patuloy na suportahan ang PNP sa patuloy na pagsisikap na paglaban sa kriminalidad.
###
Panulat ni Patrolwoman Rialyn B Valdez
