Tubod, Iligan City – Arestado ang isang lalaki sa isinagawang Search Warrant sa Purok Emmanuel, Brgy. Tubod, Iligan City nito lamang Linggo, Setyembre 4, 2022.
Kinilala ni Police Colonel Dominador Estrada, City Director ng Iligan City Police Office, ang suspek na si Novem M. Abrigondo, 27, karpintero at residente ng Purok Emmanuel, Brgy. Tubod, Iligan City.
Ayon kay PCol Estrada, naaresto ang suspek bandang 1:41 ng hapon ng mga tauhan ng Iligan City Police Office-Station 2, 1005th Maneuver Company, Regional Mobile Force Battalion 10, Regional Intelligence Unit 10 at 1st Special Action Company-PNP Special Action Force sa bisa ng Search Warrant No. 086.
Nakumpiska sa suspek ang isang Cal .38 revolver, anim na bala at isang itim na sling bag.
Nahaharap sa kasong paglabag sa RA 10591 o Comprehensive Law on Firearms and Ammunition ang suspek.
Ang Iligan PNP ay hindi titigil sa pagpapatupad ng batas at patuloy na huhulihin ang sinumang lumabag sa batas para sa tahimik at mapayapang komunidad.
Patrolman Joshua Fajardo/RPCADU 10
