Bukidnon – Arestado ang isang lalaki sa kasong paglabag sa RA 10591 o Comprehensive Firearms and Ammunition Regulation Act sa isinagawang Search and seizure Warrant operation ng mga operatiba ng Kibawe Municipal Police Station sa Purok 4, Sitio Mahayahay, Talahiron, Kibawe, Bukidnon nito lamang Martes, Enero 31, 2023.
Kinilala ni Police Major Marvin Enciso, Acting Chief of Police ng Kibawe Municipal Police Station, ang suspek na si alyas “Arnel”, 39, at residente ng nasabing lugar.
Dagdag pa ni PMaj Enciso, bandang 6:30 ng umaga naaresto ang suspek sa kanyang tirahan sa bisa ng Search Warrant No. RTC-OCC 02-23 sa kasong paglabag sa RA 10591 o Comprehensive Firearms and Ammunition Regulation Act.
Nakuha mula sa suspek ang isang Paltik/Cal .38 revolver na walang serial number at tatlong bala.
Ang Kibawe PNP ay patuloy na gagampanan ang tungkulin na panatilihing maayos at ligtas ang kanilang nasasakupang komunidad para sa patuloy na pag-unlad.
Panulat ni Patrolman Joshua Fajardo/RPCADU10
