Mt. Province – Arestado ang isang indibidwal sa kasong paglabag sa COMELEC Gun Ban sa ipinatupad na Comelec Checkpoint ng mga awtoridad sa Dagawe, Poblacion, Paracelis, Mt. Province nito lamang ika-30 ng Agosto 2023.
Ayon kay Police Colonel Sibly Dawiguey Jr., nagpatupad ng Comelec Checkpoint ang pinagsamang tauhan ng Paracelis Municipal Police Station at 2nd Mt. Province Provincial Mobile Force Company na nagresulta sa pagkaaresto ng nasabing suspek.
Ayon pa kay PCol. Dawiguey Jr., habang nagsasagawa ng checkpoint ay pinahinto ang isang motorista upang suriin ang OR-CR ng kanyang motorsiklo.
Gayunpaman, sa pagbukas ng kanyang sling bag ay nakita ang isang pistol .45 pistol na may laman na magazine, gayundin ang isang matalim na kutsilyo sa scabbard na nakabalot sa itim na rubber band.
Kasong paglabag sa COMELEC Resolution 10918 na may kinalaman sa paglabag sa Sec. 251 ng Omnibus Election Code at Sec. 32 ng RA 7166 at paglabag sa RA 10591 o Comprehensive Firearms and Ammunition Regulation Act.
Muli namang nagpaalala sa publiko si PCol Dawiguey Jr. na mahigpit na ipinagbabawal ang pagdadala ng anumang uri ng baril mula Agosto 28, 2023 hanggang Nobyembre 29,
2023 kaugnay sa mapayapa at maayos na Barangay at Sangguniang Kabataan Halalan 2023.
